Сотні тысяч людзей пратэставалі ў Парыжы супраць аднаполых шлюбаў: «У дзіцяці мусяць быць тата і мама!»
Шматтысячная дэманстрацыя прайшла таксама ў гораде Ліён.
Францыя стала 14-й краінай свету, што легалізавала шлюбныя саюзы між асобамі аднаго полу. Аднак хрысціянскія і кансерватыўныя колы працягваюць пратэставаць. Асаблівае абурэнне выклікае новая прапанова дазволіць аднаполым сем'ям усынаўляць дзяцей, нароўні са звычайнымі, а таксама фінансаваць штучнае апладненне за дзяржаўны кошт — так, як фінансуецца яно для звычайных сем'яў. З такімі ідэямі выступаюць левыя партыі.
«У дзіцяці мусяць быць тата і мама!» — вось галоўны лозунг абаронцаў традыцыйнай сям'і.