Краіны Цэнтральной Еўропы, Балтыі і Скандынавіі не прызнаюць рэферэндум у Крыме
Кіраўнікі МЗС Цэнтральнай Еўропы, Балтыі і Скандынавіі асудзілі расійскае ваеннае ўмяшанне ва Украіне і планаванае правядзенне рэферэндуму ў Крыме.
Яны рэкамендуюць ЕС накіраваць місіі назіральнікаў у Кіеў.
Міністры замежных спраў Польшчы, Чэхіі, Славакіі і Венгрыі, вядомых як «Вышаградская чацвёрка», а таксама Скандынавіі і Балтыі, правялі сустрэчу ў эстонскім горадзе Нарва на мяжы з Расіяй.
Гэтая група краін, многія з якіх мяжуюць на сушы з Расеяй ці Украінай і яшчэ памятаюць пра савецкае праўленне, заняла дастаткова жорсткую пазіцыю перад абліччам Масквы, калі крызіс пачаў набіраць абароты.