Ірландзец вырваў сыну зуб верталётам ВІДЭА
Што рабіць, калі вашае дзіця адмаўляецца ісці да стаматолага? Вядома, вырваць яму зуб самастойна. Але як?
Ірландзец Малкальм Свен знайшоў арыгінальны спосаб зрабіць гэта хутка, весела і практычна бязбольна. Для гэтага яму спатрэбіўся радыёкіраваны верталёт, паведамляе Metro.
Мужчына ператварыў аперацыю «вырыванне зуба» ў сямейны шпацыр па адным з дублінскіх паркаў. На апублікаваным ім роліку бачна, што Свен прывязаў адзін канец зубной ніткі да хворага зуба сына, а іншы замацаваў на цацачным верталёце. Загадаўшы маленькаму Адаму падрыхтавацца, мужчына запусціў рухавік лётнага апарата.
Літаральна праз імгненне «страшэнная» аперацыя была завершаная. Адам, здаецца, нічога не адчуў. Каму варта гараваць у гэтай сітуацыі, дык гэта зубной феі, якая, як вядома, мяняе вырваныя зубы на манеты. Знайсці зуб Адама ў дублінскім парку практычна немагчыма.