Турчынаў звольніў у запас прызваных з Крыма вайскоўцаў
Тэкст указа ад 31 сакавіка абнародаваны на прэзідэнцкім сайце.
В.а. прэзідэнта Украіны, старшыня Вярхоўнай Рады Аляксандр Турчынаў падпісаў указ аб звальненні ў запас вайскоўцаў і курсантаў, прызваных на службу і навучанне ваенкаматамі з Крыма.
У дакуменце гаворыцца: «Звольніць цягам красавіка 2014 года ў запас з Узброеных сіл Украіны, іншых утвораных у адпаведнасці з законамі Украіны вайсковых фармаванняў, Дзяржаўнай спецыяльнай службы транспарту вайскоўцаў (курсантаў), якія былі прызваныя на тэрміновую ваенную службу (навучанне) вайсковымі камісарыятамі з Аўтаномнай рэспублікі Крым, горада Севастопаля і падалі адпаведныя рапарты».
Указ уступае ў сілу з дня яго апублікавання.