Белстат: Інфляцыя з пачатку года склала 4,9%
Індэкс спажывецкіх цэн на тавары і паслугі (інфляцыя) у Беларусі ў сакавіку 2014 года ў параўнанні з лютым вырас на 1,3%, са снежнем 2013 года — на 4,9%, паведамілі ў прэс-службе Нацыянальнага статыстычнага камітэта.
Так, цэны на харчовыя тавары ў сакавіку 2014 года ў параўнанні з лютым 2013 года выраслі на 1,9%. Больш за ўсё падаражэла садавіна — на 5,2%, масла — на 3,4%, малако і малочныя прадукты, мяса і птушка — на 3%, макаронныя вырабы — на 2,3%, алкагольныя напоі — на 2,2%. На агародніну цэны знізіліся на 3,9%.
Афіцыйны гадавы прагноз інфляцыі складае 11%.