Літовец са смяротнай дозай алкаголю ў крыві спрабаваў пешшу дабрацца да Беларусі
Мужчыну, у крыві якога было амаль 7 праміле алкаголю, спынілі на КПП у Салечніках пад Вільняй, паведамляе літоўскі партал DELFI.
Інцыдэнт адбыўся ўвечары 7 красавіка. 50-гадовы жыхар Салечніцкага раёна ледзь стаяў на нагах. Памежнікі спынілі яго і перадалі паліцыі.
У прасторы ён амаль не арыентаваўся ў прасторы, але змог жа дайсці да пункту праверкі дакументаў. Усе неабходныя дакументы ў яго каля сябе былі.
У крыві мужчыны была выяўлена смяротная доза алкаголю — 6,81 праміле.