Мясніковіч на наступным тыдні едзе ў Маскву на сустрэчу з прэм'ерамі Расіі і Казахстана
15 красавіка ў Маскве адбудзецца сустрэча кіраўніка ўрада Расійскай Федэрацыі Дзмітрыя Мядзведзева з прэм'ер-міністрам Беларусі Міхаілам Мясніковічам і прэм'ер-міністрам Казахстана Карымам Масімавым.
Як паведамляе прэс-служба ўрада РФ, парадак дня трохбаковых перамоў уключае асноўныя пытанні развіцця еўразійскай інтэграцыі і падрыхтоўку праекта дагавора аб Еўразійскім эканамічным саюзе (ЕАЭС).
Дамова аб стварэнні ЕАЭС павінна быць гатова да мая 2014 года і набыць моц на прасторы Мытнага саюза 1 студзеня 2015 года. Базавыя прынцыпы ЕАЭС былі ўзгоднены прэзідэнтамі «тройкі» ў снежні 2013 года ў Маскве.
Беларускі бок ініцыюе ўключэнне ў праект дагавора аб ЕАЭС норму аб ліквідацыі выключэнняў у пытаннях гандлю нафтай і нафтапрадуктамі.