Рух па праспекце Машэрава ў Мінску сёння ўвечары будзе абмежаваны
Рух па праспекце Машэрава ў Мінску сёння ўвечары будзе абмежаваны, паведамілі ў ДАІ Мінска.
Звязана гэта з рэпетыцыямі зводнай роты ганаровай варты да ўрачыстага параду, прымеркаванага да Дня Незалежнасці Беларусі. З 21.45 да 24.00 будзе абмежаваны рух на ўчастку праспекта Машэрава ад вуліцы Даўмана да праспекта Пераможцаў. Аналагічныя абмежаванні будуць дзейнічаць і 23 чэрвеня.
Сталічная Дзяржаўтаінспекцыя рэкамендуе кіроўцам і пасажырам грамадскага транспарту ўлічваць гэтую інфармацыю пры выбары маршруту руху.