Галоўнакамандуючы ВПС: Расія гатова разгарнуць авіябазы ў Беларусі
Ваенна-паветраныя сілы Расіі пасля падпісання міжурадавага пагаднення гатовыя пачаць разгортванне авіябазы ў Баранавічах, у Брэсцкай вобласці, паведамляе ІТАР-ТАСС.
«Будзем ствараць базу ў Баранавічах, усё для гэтага ёсць, адзінае, што чакаем, — заключэння міжурадавага пагаднення. Пасля гэтага прыступім да гэтых мерапрыемстваў у поўным аб'ёме», — сказаў Віктар Бондараў.
Галоўнакамандуючы удакладніў, што гаворка ідзе пра базаванне знішчальнікаў Су-27.
10 снежня 2013 г. экіпажы расійскіх знішчальнікаў Су-27 заступілі на сумеснае баявое дзяжурства. Раней аб стварэнні базы заяўляў міністр абароны Расіі Сяргей Шайгу падчас сустрэчы з Аляксандрам Лукашэнкам.