ЗША назвалі ўмовы зняцця санкцый з Расіі
5.11.2014 / 22:2
ЗША могуць зняць санкцыі з Расіі, калі яна будзе ў поўным аб'ёме выконваць дамоўленасці, заключаныя ў Мінску 5 верасня, заявіў дзяржсакратар ЗША Джон Кeры на прэс-канферэнцыі ў Парыжы.
«Калі мінскія дамоўленасці будуць выконвацца ў поўным аб'ёме, то санкцыі могуць быць адменены», — сказаў Кeры.
Паводле слоў дзяржсакратара ЗША, калі Расія не будзе выконваць гэтыя дамоўленасці, а на ўсходзе Украіны працягнуцца правапарушэнні, ціск на Расію будзе ўзмоцнены.
«Выбар за Расіяй», — падкрэсліў ён.
Акрамя таго, Кeры заклікаў сепаратыстаў «спыніць акты гвалту каля данецкага аэрапорта».