Лукашэнка: Гісторыя КДБ — гераічны летапіс самаадданага служэньня Айчыне многіх пакаленьняў
Кіраўнік дзяржавы павіншаваў супрацоўнікаў КДБ з 90‑годзьдзем з дня ўтварэньня органаў дзяржаўнай бясьпекі
У віншаванні гаворыцца: «Гісторыя Камітэта дзяржаўнай бяспекі — гераічны летапіс самаадданага і самаахвярнага служэння Айчыне многіх пакаленняў лепшых сыноў і дачок Радзімы». Адзначаецца, што сёння на пярэднім рубяжы абароны незалежнасці і тэрытарыяльнай цэласнасці Беларусі, яе канстытуцыйнага ладу і эканамічных інтарэсаў нясуць службу верныя прадаўжальнікі лепшых традыцый старэйшых пакаленняў супрацоўнікоў дзяржбяспекі. Ім «даверана ўмацоўваць нацыянальную бяспеку, абараняць сваю краіну ад сучасных выклікаў і пагроз, якія зыходзяць ад міжнароднага тэрарызму, транснацыянальнай арганізаванай злачыннасцці, дэструктыўных дзеянняў замежных спецслужбаў», падкрэсліваецца ў віншаванні.
Кіраўнік дзяржавы выказаў перакананасць, што супрацоўнікі Камітэта дзяржаўнай бяспекі будуць з гонарам выконваць ускладзеныя на іх задачы, аддаваць усе сілы для працвітання Беларусі.