Кіраўнік «Лукойла» не выключыў падзення цаны на нафту да $25
Цана нафты на сусветным рынку можа ўпасці да 25 даляраў за барэль з улікам планаў Саудаўскай Аравіі і краін АПЕК не зніжаць ўзровень здабычы, паведаміў кіраўнік «ЛУКойла» Вагіт Алекпераў.
З пачатку лета 2014 нафтавыя каціроўкі ўпалі больш чым удвая, у пачатку года наблізіўшыся да адзнакі ў 45 даляраў за барэль маркі Brent.
На думку Алекперава, гэта будзе кароткатэрміновае зніжэнне, аднак значныя ваганні цаны нафты працягнуцца на працягу ўсяго 2015 года.