Патупчык: Пасля пуску АЭС Беларусь цалкам адмовіцца ад імпарту электраэнергіі
Беларусь цалкам адмовіцца ад імпарту электраэнергіі пасля пуску Беларускай АЭС у 2018 годзе.
Пра гэта паведаміў сёння на пленарным пасяджэнні Пастаяннай камісіі Палаты прадстаўнікоў міністр энергетыкі Уладзімір Патупчык.
Ён таксама адзначыў, што сістэма энергетыкі Беларусі стваралася ў 1960-70-я гады. «Цяпер як раз трэба яе абнаўляць. Што тычыцца атамнай станцыі, то мы ставім перад сабой задачу экспартаваць яе электраэнергію. Праўда, гэта праца не аднаго дня», — растлумачыў ён.
Пуск першага блока АЭС намечаны на лістапад 2018 года, другога — на ліпень 2020 года. Планавая магутнасць станцыі — 2,4 ГВт.