Частка АЭС у Нью-Ёрку не працуе пасля пажару
АЭС Indian Point у амерыканскім штаце Нью-Ёрк часткова не працуе. Напярэдадні стала вядома, што ў суботу на станцыі адбыўся пажар, які ўдалося хутка патушыць.
Тым не менш адзін з блокаў станцыі быў адключаны, два іншых працягвалі працаваць.
Губернатар Нью-Ёрка Эндру Куома наведаў АЭС і выказаў занепакоенасць інцыдэнтам, бо станцыя знаходзіцца ўсяго ў 65 км ад горада Нью-Ёрка.
Акрамя таго, стала вядома, што ў раку Гудзон патрапіла масла з трансфарматараў станцыі.
У кіраўніцтве кампаніі Energy Corp, якая ажыццяўляе эксплуатацыю АЭС, запэўнілі, што ніякай пагрозы ў сувязі з пажарам ні для супрацоўнікаў станцыі, ні для мясцовых жыхароў няма.