Лябедзька: Плаціць грошы за подпісы не будзем
Як паведаміў «Нашай Ніве» лідар АГП Анатоль Лябедзька, сёлета плаціць за збор подпісаў у падтрымку кандыдатаў у прэзідэнты яны не збіраюцца.
«Гэта наша прынцыповая пазіцыя. Усё на валанцёрскіх пачатках», — сказаў ён.
Сам Лябедзька будзе падаваць дакументы ў ЦВК а 11-й гадзіне ў чацвер. Па яго словах, у яго ініцыятыўнай групе ўжо больш за 1 000 чалавек.
Ён дадаў, што не бачыць праблемы ў тым, што апазіцыя ідзе на выбары некалькімі калонамі.