Драгічынскія ідэалогі ў пікетах за Лукашэнку выкарыстоўваюць фоташоп ФОТЫ
На сайце Драгічынскага райвыканкама навіна аб пачатку збору подпісаў за Аляксандра Лукашэнку ілюструецца двума дзіўнымі фотаздымкамі.
У артыкуле галоўнага спецыяліста па ідэалагічнай рабоце Драгічынскага райвыканкама Супрун Марыі Пятроўны змешчаныя два фотаздымкі з выбарчага пікета. На адным з іх ля пікета фатаграфуецца вясельная пара. На стале — партрэт Аляксандра Лукашэнкі, але яго сіметрыя ніяк не ўпісваецца ў прастору кадра. Ствараецца адчуванне, што партрэт проста вісіць у паветры, а яго рамка ўвогуле крывая.
Фота з сайта drogichin.brest-region.gov.by
На другім фота ў артыкуле мужчына ставіць свой подпіс за Аляксандра Лукашэнку. Але тут ужо бачны аналагічны партрэт Лукашэнкі, але меншага памеру.
Фота з сайта drogichin.brest-region.gov.by
Версія з выкарыстаннем у фатаздымках фоташопу можа падцвярджаць і відэа на сайце газеты «Драгічынскі веснік». Там на кадры з маладой парай, што пазіруе ля пікета, партрэта Лукашэнкі ўвогуле няма (правы ніжні кут):
Арыгінал відэа можна паглядзець тут (пачатак з 0.23)