Пагадненне аб авіябазе ў Беларусі накіравалі на подпіс Пуціну
Урад Расіі на пасяджэнні 2 верасня вырашыў перадаць на подпіс прэзідэнту Расіі Уладзіміру Пуціну пагадненне паміж Расіяй і Беларуссю аб авіяцыйнай базе. Пра гэта паведамляецца сёння на сайце расійскага Кабінета міністраў.
У дакуменце адзначаецца, што пагадненне паспрыяе арганізацыі сумеснай аховы знешняй мяжы саюзнай дзяржавы ў паветранай прасторы і стварэнні адзінай рэгіянальнай сістэмы супрацьпаветранай абароны Беларусі і Расіі.
Акрамя таго, канстатуецца, што гэтае пагадненне доўгатэрмінова замацуе расійскую вайсковую прысутнасць у рэгіёне і пасадзейнічае ўмацаванню яго бяспекі.