У Луганскай вобласці баевікі забілі падатковага інспектара і дружынніка
Апошнія дні сітуацыя на фронце ў Данбасе захоўваецца спакойная, абстрэлы амаль спыніліся. Аднак за мінулыя суткі загінулі два ўкраінцы, а 6 воінаў атрымалі раненні, расказаў спікер Адміністрацыі Прэзідэнта па пытаннях Антытэрарыстычнай аперацыі Аляксандр Матузянік.
«Паміж 6-й і 7-й гадзінамі раніцы ў варожую засаду трапіла ўкраінская мабільная група па барацьбе з кантрабандай. Гэта адбылося паміж гарадамі Шчасце і Славянасербск. У ходзе бою загінулі два чалавекі — валанцёр і афіцэр падатковай міліцыі. Нашы ваяры адбілі напад варожай дыверсійнай групы, аператыўна падышло падмацаванне са складу вайскоўцаў Узброеных сіл, 6 вайскоўцаў былі параненыя», — паведаміў Матузянік.