Гамельчука аштрафавалі на $1000 за ўхіленне ад войска
Дваццацігадовы жыхар Гомеля прысуджаны да штрафу ў 100 базавых велічыняў (18 мільёнаў рублёў) за ўхіленне ад службы ў войску.
Суд Савецкага раёна Гомеля прызнаў яго вінаватым па частцы 1 артыкула 435 Крымінальнага кодэкса Беларусі, паведамляе прэс-служба Гомельскага абласнога суда.
У маі 2015 года маладога чалавека выклікалі ў ваенкамат, прызыўнік пад роспіс атрымаў позву для праходжання медыцынскага агляду. Аднак на камісію хлопец не прыбыў. Паводле версіі следства і суда, зрабіў ён гэта наўмысна, з мэтай ухілення ад мерапрыемстваў прызыву на воінскую службу.
Прыгавор набыў законную моц.