Жыхар Маладзечна атрымаў 15 гадоў за педафілію
10.11.2015 / 16:33
Жыхар Маладзечна асуджаны на 15 гадоў пазбаўлення волі за педафілію.
Як паведамляецца на сайце УУС Мінскага аблвыканкама, мужчына на працягу 2009 года гвалтаваў дачку сваёй сужыцелькі, а затым сяброў і сябровак дзяўчынкі. Самаму малодшаму пацярпеламу было на той момант 9 гадоў.
Пасля 2009 года мужчына спыніў гвалт і вярнуўся да нармальнага жыцця. Дзеці нікому нічога не распавядалі, а сужыцелька ні пра што не здагадвалася.
У ходзе расследавання ў дачыненні да педафіла было распачата 10 крымінальных спраў. Пацярпелымі ў судзе былі трое дзяцей.
Падазраванага ў педафіліі затрымалі ў студзені 2015 года. Следства доўжылася чатыры месяцы.