«Захаваць мінулае, дбаць пра будучыню» — новы банер фанатаў «Дынама Брэст» з «Пагоняй» ФОТАФАКТ
У панядзелак на матчы Кубка Беларусі па футболе паміж брэсцкім «Дынама» і наваполацкім «Нафтанам», фанаты «Дынама» закрылі ўвесь свой сектар вялізным банерам, на якім была адлюстравана і «Пагоня».
«Сэнсавая нагрузка кампазіцыі, якая адлюстроўвае нашыя гістарычныя сімвалы, дапоўненая лаканічнай фразаю «Захаваць мінулае, дбаць пра будучыню», — тлумачаць сэнс банера фанаты на сваёй старонцы ў сацсетках, — гэта заклік да захавання нашай гістарычнай мінуўшчыны з думкамі і клопатам пра будучыню, для руху наперад».