Праваабаронцы: адзін з верхаводаў ІД Абу Умар аш-Шышані паранены, а не забіты
У Сірыйскім цэнтры маніторынгу выканання правоў чалавека сцвярджаюць, што баявік па мянушцы Умар-Чачэнец быў толькі паранены, але не забіты падчас спецаперацыі ЗША.
Паводле звестак праваабаронцаў, Шышані, імаверна, цяжка паранены і хаваецца.
3 сакавіка Пентагон паведаміў, што правёў аперацыю па ліквідацыі Абу Умара аш-Шышані (Умар-Чачэнец) на паўночным усходзе Сірыі. «Адзін з верхаводаў ІД Тархан Таймуразавіч Бацірашвілі па мянушцы Абу Умар аш-Шышані, імаверна, быў знішчаны ў выніку авіяўдару», — гаварылася ў заяве ведамства.
Канчаткова гібель баевіка ў Пентагоне пацвердзіць не змаглі.