Указ Трампа аб мігрантах абурыў Меркель
Канцлер Германіі Ангела Меркель абвінаваціла ЗША у несправядлівым стаўленні да мусульман у сувязі з забаронай на ўезд у Злучаныя Штаты грамадзянам сямі краін з пераважна мусульманскім насельніцтвам, піша ВВС.
«Важная і упартая барацьба супраць тэрарызму ні ў якай меры не апраўдвае прадузятасць супраць людзей пэўнай веры, у дадзеным выпадку мусульманскай веры, і пэўнага паходжання», — заявіла Меркель.
На думку канцлера, указ Трампа супярэчыць базавым прынцыпам міжнароднай дапамогі бежанцам і міжнароднага супрацоўніцтва.
«Канцылярыя і міністэрства замежных спраў робяць усё магчымае, каб праясніць сітуацыю, асабліва становішча тых, хто мае падвойнае грамадзянства, і абараніць іх інтарэсы», — дадала яна.