ФІФА: Усе допінг-пробы гульцоў зборнай Расіі з ЧС-2014 былі адмоўнымі
ФІФА паведаміла, што ўсе допінг-пробы, узятыя ў гульцоў зборнай Расіі да старту і падчас чэмпіянату свету 2014 года далі адмоўны вынік.
Раней брытанскія СМІ распаўсюдзілі інфармацыю пра тое, што пробы ўсіх футбалістаў з заяўкі расійскай каманды на сусветнае першынство былі станоўчымі.
- Усе гульцы, якія прымалі ўдзел у чэмпіянаце свету 2014 года, уключаючы ўсіх футбалістаў зборнай Расіі, прайшлі допінг-тэсты да і падчас турніру, - цытуе ТАСС прэс-службу ФІФА. - Усе допінг-пробы далі адмоўны вынік.