Сенатар з ЗША распавёў пра ўмовы зняцця санкцый з Беларусі
ЗША могуць зняць санкцыі з Беларусі, калі Мінск прыме меры па ўмацаванні даверу. Пра гэта ў эфіры тэлеканала «Беларусь-1» заявіў кіраўнік дэлегацыі ЗША ў Парламенцкай асамблеі АБСЕ сенатар Роджэр Уікер.
Калі наша краіна пойдзе па гэтым шляху, то магчымая поўная адмена санкцый. Уікер лічыць, што гэта можа адбыцца з улікам таго, што «новая адміністрацыя (прэзідэнта ЗША) пачынае праяўляць больш цікавасці да міжнародных справаў».
Сенатар назваў некаторыя крокі для беларускіх уладаў, сярод іх — рэгістрацыя няўрадавых арганізацый, палітычных партый. Аднак ён не выключае, што новая адміністрацыя можа змяніць погляд на прынятым раней рашэнні, толькі ў якім кірунку, пакуль не вядома.