Брэнды Disney i Marvel будуць вырабляць свае цацкі ў Кобрыне
Цацка вырабу кобрынскага «Палесся».
Кобрынская фабрыка цацак «Палессе» ў 2018 годзе пачне вырабляць шырокую лінейку прадукцыі ў розных групах цацак брэндаў Disney i Marvel, паведаміў парталу KobrinCity начальнік аддзелу маркетынгу фабрыкі Андрэй Марчук. Больш дэталяў ён не раскрыў, каб захаваць інтрыгу.
Фабрыка вырабляе канструктары і наборы для пясочніц пад расейскім брэндам «Смяшарыкі». У Кобрыне выпускаюць таксама цацкі амерыканскага брэнда Smurfs і нідэрландскага Miffi, машынкі шведскіх Volvo і Mammoet.
Фабрыка «Палессе» была створаная ў 1998 годзе. Цяпер на ёй працуе каля 3000 чалавек, гэта найбольшая вытворчасць у Кобрыне.