Сярэдні заробак у Літве вырас да 850 еўра
У трэцім квартале сярэдні налічаны («бруднымі») заробак у Літве, не ўлічваючы індывідуальных прадпрымальнікаў, дасягнуў 850,8 еўра — гэта на 7,2% больш, чым у трэцім квартале 2016 года.
Сярэдні выплачаны (чыстымі) заробак за гэты перыяд вырас на 8,3% да 667,3 еўра, паведамляе Delfi са спасылкай на Дэпартамент статыстыкі.
Паводле Белстата, сярэдні заробак у Беларусі («бруднымі») за кастрычнік склаў 841 рубель, што складае каля 355 еўра.