Цана кватэр у Мінску дасягнула максімуму за год
27.11.2017 / 12:12
Сярэдняя цана прапановы кватэр у Мінску дасягнула $1195 за квадратны метр, паведамляе Realt.by. Гэта найбольшы паказчык ад пачатку года.
Фота Blizko.by
Папярэдні раз кватэры каштавалі так дорага ў канцы лістапада і пачатку снежня 2016 года. Пасля нерухомасць патаннела, і ў ліпені 2017 года цэны апускаліся да $1133 за метр.
Такім чынам, ад лета сярэдняя двухпакаёўка плошчай 50 м2 падаражала больш чым на $3000.