У Мінску «Шкода» знесла прыпынак ФОТАФАКТ
У Мінску легкавік урэзаўся ў прыпынак грамадскага транспарту. Пра гэта паведамілі ў ДАІ ГУУС Мінгарвыканкама.
Аварыя адбылася 5 снежня, каля 11.50. «36-гадовы кіроўца Skoda ехаў па вуліцы Клары Цэткін з боку плошчы Мяснікова ў кірунку плошчы Багушэвіча. У нейкі момант аўтамабіль сышоў у некіраваны занос, вылецеў за межы дарогі і ўрэзаўся ў прыпыначны пункт», — распавялі ў ДАІ.
На шчасце, у аварыі ніхто не пацярпеў.
