Бажніца разладу
Працягваецца напружаньне паміж Тайляндам і Камбоджай, выкліканае даўнейшай спрэчкай за ўладараньне над 900-гадовым будыйскім храмам, што знаходзіцца на мяжы дзьвюх дзяржаў.
Фота - AFP
Працягваецца напружаньне паміж Тайляндам і Камбоджай, выкліканае даўнейшай спрэчкай за ўладараньне над 900-гадовым будыйскім храмам, што знаходзіцца на мяжы дзьвюх дзяржаў.Учора скончыўся ўльтыматум, які выставіў камбаджыйскі ўрад тайляндзкаму: ва ўльтыматуме патрабавалася вывесьці ўсе ўзброеныя сілы Тайлянду з тэрыторыі бажніцы, якая паводле ААН належыць Камбоджы.
Сёньня афіцыйныя крыніцы ў Камбоджы паведамілі, што тайляндзкія ўзброеныя сілы адступілі, але ў Бангкоку абвяргаюць гэтую навіну, і сьцьвярджаюць, што «узброеныя сілы Тайлянду на моры, у паветры і на зямлі гатовыя абараніць сувэрэннасьць сваёй дзяржавы, а войскі не былі адведзеныя з тэрыторыі храму і надалей ня будуць».
Пошасьць тэрытарыяльных спрэчак ужо даўно хапіла Паўднёва-Усходнюю Азію, чые рубяжы даўнейшых каралеўстваў колісь перайначылі посткаляніяльныя межы.Напрыклад Сынгапур і Малайзія, выцягваючы жылы, шмат гадоў біліся мала не за пусты мех – драбнюткія выспачкі ў акіяне.