Аляксандр Кольчанка, асуджаны разам з Сянцовым у Расіі, таксама абвясціў галадоўку
Аляксандр Кольчанка, які разам з рэжысёрам Алегам Сянцовым быў прызнаны расійскім судом вінаватым па справе аб тэрарызме, пачаў галадоўку. Пра гэта паведаміў у сваім фэйсбуку кіраўнік міжнароднай праваабарончай групы «Агоры» Павел Чыкаў
«Кольчанка напісаў заяву на імя начальніка калоніі. Патрабаванне адно вызваліць Сянцова», — паведаміў Чыкаў са спасылкай на адваката Андрэя Ляпёхіна.
Раней адвакат Святлана Сідоркіна пісала, што Кольчанку катэгарычна забаронена галадаць з-за хранічнага недахопу вагі.