У расійскім Ульянаўску пахавальнае бюро забрукавала ходнікі магільнымі плітамі
Ва Ульянаўску (Расія) участак тратуара на вуліцы Радзішчава забрукавалі фрагментамі надмагільных пліт. Фатаграфіі тратуара з абломкамі надмагілляў з'явіліся ў сацсетках, піша ria.ru.
У аўторак прадстаўнік адміністрацыі горада заявіў РІА Навіны, што пахавальная кантора вырашыла такім чынам акультурыць прылеглую да яе будынка тэрыторыю.
«Яе прадстаўнікі і забрукавалі гэтую сцежку, але пры гэтым чатыры кавалкі бруку ўтрымлівалі зверху фрагменты імёнаў, прозвішчаў і даты жыцця», — сказаў суразмоўца агенцтва.
Пасля размовы з прадстаўнікамі гарадской адміністрацыі фрагменты надмагільных пліт зашліфавалі, прыбраўшы надпісы, дадаў ён.