Аэрапорт Балі аднавіў работу, спыненую праз актыўнасць вулкана Ангунг
Міжнародны аэрапорт на востраве Балі, які быў закрыты праз актыўнасць вулкана Агунг, аднавіў працу, так вырашылі ўлады Інданезіі, паведамляюць інфармагенцтвы.
Паводле апошніх дадзеных метэаралагічных службаў, у паветранай прасторы аэрапорта Нгурах-Рай больш няма вулканічнага попелу. Аэрапорт аднавіў працу раней, чым меркавалася. Аэрапорт быў зачынены прыкладна 12 гадзін. За гэты час каля 450 рэйсаў былі адкладзеныя, у выніку чаго былі парушаныя планы амаль 75 тысяч пасажыраў.