Telegram запусціў сэрвіс для захоўвання дакументаў карыстальнікаў
а вы даверыце Дураву свае дакументы?
Мэсэнджар Паўла Дурава Telegram афіцыйна запусціў сэрвіс для захоўвання даных карыстальнікаў Telegram Passport.
Сэрвіс Telegram Passport дазваляе загрузіць пашпартныя даныя, пасведчанні кіроўцы, рахункі ЖКГ, даведкі аб банкаўскіх рахунках і іншыя дакументы. Інфармацыя карыстальнікаў абаронена скразным шыфраваннем, паведамляецца ў блогу на сайце кампаніі.
З дапамогай Telegram Passport карыстальнікі мэсэнджара змогуць праходзіць аўтарызацыю ў іншых сэрвісах, якія патрабуюць ідэнтыфікацыі асобы.