Расійскія памежнікі: Мы абсалютна законна выпусцілі ва Украіну аўто з трупам жанчыны
Расійскія памежнікі расказалі сваю версію гісторыі з трупам жанчыны на ўкраінскай мяжы.
Фота: Дзяржпагранслужба Украіны
Раней паведамлялася, што грамадзянін Расіі спрабаваў заехаць на тэрыторыю Украіны з трупам жонкі, выдаючы яе за жывую. Па словах кіроўцы, ён і яго сын (грамадзянін Украіны) хацелі пахаваць яе ў Запарожскай вобласці.
Расіяне даводзяць, што двое мужчын разам з целам нябожчыцы аформілі ўсе неабходныя дакументы, пасля чаго пакінулі пункт пропуску пад Белгарадам. А кампетэнтныя органы Украіны, маўляў, былі праінфармаваныя пра гэта ва ўстаноўленым парадку.
Акрамя таго, кіроўца аўтамабіля прад'явіў украінскім памежнікам пасведчанне аб смерці жонкі, а не выдаваў яе за жывую, як тое паведамляў прэс-сакратар Дзяржпагранслужбы Украіны Алег Слабадзян.