Карлюкевіч аб прапанове ўкраінскага віцэ-прэм'ера выступаць па-беларуску: У нас дзве дзяржаўныя мовы
У Беларусі дзве дзяржаўныя мовы — беларуская і руская, і кожны сам робіць выбар, на якой з іх размаўляць, так кіраўнік міністэрства інфармацыі Беларусі Аляксандр Карлюкевіч пракаментаваў «РИА Новости» заяву ўкраінскага віцэ-прэм'ера Генадзя Зубко.
Раней віцэ-прэм'ер, міністр рэгіянальнага развіцця, будаўніцтва і жыллёва-камунальнай гаспадаркі Украіны Генадзь Зубко на форуме рэгіёнаў Беларусі і Украіны ў Гомелі звярнуўся да беларускіх удзельнікаў мерапрыемства з прапановай выступаць на беларускай мове. Сам Зубко гаварыў па-ўкраінску. А вось беларускія чыноўнікі працягвалі прамаўляць па-руску.