Жыхары Мінска правялі каля будынка КДБ акцыю памяці ахвяр сталінскіх рэпрэсій ФОТЫ
29.10.2018 / 19:10
У Мінску каля будынка КДБ актывісты праводзяць штогадовую акцыю памяці ахвяр сталінскіх рэпрэсій «Ланцуг памяці».
Сабралася каля 20 чалавек. Сярод палітыкаў і актывістаў: Мікалай Статкевіч, Уладзімір Някляеў, Марына Адамовіч, Вольга Мікалайчык, Леанід Кулакоў, Яўген Афнагель і іншыя.
Удзельнікі сталі ланцужком каля прыступак КДБ, нічога не скандуюць, у руках трымаюць толькі свечкі.
Затрыманняў няма.
Пасля завяршэння акцыі прыйшлі камунальнікі і прыбралі свечкі з прыступак.
