Польшча асудзіла дзеянні РФ у Азоўскім моры
Пра гэта гаворыцца ў заяве МЗС Польшчы.
«Сённяшняя драматычная эскалацыя напружанасці ў водах Азоўскага мора, у выніку якой параненыя маракі і пашкоджаныя караблі ВМФ Украіны, стала вынікам паслядоўных парушэнняў Расійскай Федэрацыяй асноўных прынцыпаў міжнароднага права, у тым ліку ў парушэнні тэрытарыяльнай цэласнасці і суверэнітэту Украіны», — гаворыцца ў заяве.
У польскім МЗС адзначылі, што пасля незаконнай акупацыі Крыма, распальвання канфлікту на Данбасе, будаўніцтва Керчанскага моста без згоды ўлады ў Кіеве, Расея парушыла прынцып свабоды суднаходства.
«Мы рашуча асуджаем агрэсіўныя дзеянні Расіі, мы заклікаем улады паважаць міжнароднае права, а абодва бакі - да стрыманасці ў цяперашняй сітуацыі, якая можа паставіць пад пагрозу стабільнасць еўрапейскай бяспекі», - заявілі ў МЗС Польшчы.