Украінскую армію прывялі ў поўную баявую гатоўнасць
Начальнік Генеральнага штаба Украіны аддаў распараджэнне аб прывядзенні злучэнняў і частак нацыянальнай арміі ў поўную баявую гатоўнасць, паведамляе прэс-служба вайсковага ведамства.
У заяве ўказваецца, што рашэнне было прынята на падставе рашэння Рады нацыянальнай бяспекі і абароны аб увядзенні рэжыму ваеннага становішча.
Рашэнне аб ваенным становішчы было прынята ў ноч на 26 лістапада. Аднак канчатковы дазвол на гэта павінна даць Вярхоўная рада на сваім пасяджэнні вечарам у панядзелак.