З Адэсы ў адкрытае мора выйшлі ўсе баявыя караблі, у горадзе ўзмацняюць захады бяспекі
Праваахоўнікі сцягнулі дадатковыя сілы для аховы расійскага консульства.
Увесь склад Ваенна-марскіх сіл Украіны паднялі па трывозе. Караблі, якія базуюцца ў Адэсе, напярэдадні позна вечарам выйшла ў мора, паведамляе ТСН.
Каля штаба камандавання ваенна-марскіх сіл у Адэсе да раніцы было ажыўлена — увесь час пад'язджалі аўтамабілі, з іх выходзілі вайскоўцы з заплечнікамі.
Праваахоўнікі сцягнулі дадатковыя сілы і для аховы расійскага консульства, дзе ноччу патрыёты вывесілі скрываўленыя цяльняшкі як сімвал нападу на ўкраінскіх маракоў. Раніцай там будуць збірацца на акцыю пратэсту адэсіты.