Завод, супраць якога пратэстуюць берасцейцы, выпусціць першую партыю акумулятараў у сакавіку
Першую партыю прадукцыі на акумулятарным заводзе, які будуецца ў свабоднай эканамічнай зоне «Брэст», плануецца выпусціць сёлета ў сакавіку. Пра гэта паведаміў журналістам галоўны інжынер ТАА «АйПаўэр» Сяргей Дубнавіцкі, перадае БелТА.
На прадпрыемстве наладзяць вытворчасць акумулятарных батарэй для легкавых і грузавых аўтамабіляў, аўтобусаў і аўтатрактарнай тэхнікі.
Першы пускавы комплекс прадугледжвае выпуск 1 мільёна ўмоўных акумулятарных свінцовых батарэй за год. На другім этапе прадукцыйнасць падвысіцца да 2 мільёнаў штук.