Партфель з боепрыпасамі знайшлі камунальнікі пры сартаванні смецця ў Століне
У Століне пры сартаванні смецця знайшлі партфель з патронамі і порахам, паведамляе Дзяржаўны камітэт судовых экспертыз.
Пра небяспечную знаходку ў міліцыю паведаміў майстар мясцовай станцыі збору цвёрдых камунальных адыходаў днём 19 лютага. Работнiкi пры сартаванні смецця знайшлі партфель, у якім знаходзіліся патроны, а таксама ёмістасці з рэчывам, што нагадвала порах.
На месца прыбыла следча-аператыўная група. У партфелі былі два слоікі з порахам, капсулі і патроны. Боепрыпасы адправілі на выбуховатэхнічную і балістычную экспертызу.