У Гомелі нечакана памерла вучаніца дзясятага класа. У школах пачаліся прафілактычныя мерапрыемствы
У панядзелак, 11 сакавіка, у Гомелі памерла школьніца. Падазраюць менінгіт.
У сярэдняй школе № 1 адбылося надзвычайнае здарэнне: памерла дзесяцікласніца. Пра здарэнне паведамілі бацькі навучэнцаў дадзенай установы.
Школьніцу з дому забрала «хуткая». Аднак нягледзячы на намаганні дактароў выратаваць яе не ўдалося: яна памерла ў бальніцы.
На сённяшні дзень дакладны дыягназ не ўстаноўлены, але падазраюць менінгіт. У сувязі з гэтым бацькі вучняў дадзенай школы атрымліваюць SMS наступнага зместу: «Неабходна прапіць ўсім курс антыбіётыкаў Аугменцін® (875 мг / 125 мг) 1 табл 2 разы на дзень, 7 дзён для экстранай прафілактыкі. Усім дзецям з нашага класа і з паралельнага. Калі ёсць пытанні звяртацца ў паліклініку да свайго ўчастковага ўрача або загадчыка паліклінікі».
Праводзіцца праверка.