Прычынай смерці школьніцы ў Гомелі стала маланкавае развіццё менінгакокавай інфекцыі
Прычынай смерці 16-гадовай дзяўчыны ў Гомелі стала маланкавае развіццё менінгакокавай бактэрыяльнай інфекцыі, паведаміла на брыфінгу галоўны педыятр Гомельскай вобласці Таццяна Веліканава, піша БелТА.
Вядома, што 11 сакавіка брыгада хуткай медыцынскай дапамогі даставіла дзяўчыну з дому ў бальніцу, дзе ў той жа дзень яна памерла.
Гомельскі гарадскі аддзел Следчага камітэта праводзіць праверку па факце смерці 16-гадовай жыхаркі абласнога цэнтра.