За ноч у Лунінцы выпала больш за месячную норму ападкаў
Як паведамілі Медыя-Палессю на Палескай метэастанцыі, у ноч на 17 мая выпаў 71 мм ападкаў. Пры гэтым норма за месяц — 57 мм.
Усяго ж з пачатку мая паводле Палескай метэастанцыі выпала 151,6 мм ападкаў.
Для многіх жыхароў Лунінеччыны начны дождж прынёс нямала клопатаў: падтопленыя вуліцы, двары, агароды.
Пакуль што прагнозы сіноптыкаў не вельмі суцяшальныя. У найбліжэйшыя суткі зноў чакаюцца дажджы.