Лукашэнка ляціць у Казахстан
Аляксандр Лукашэнка 28-29 мая зробіць рабочы візіт у Казахстан для ўдзелу ў пасяджэнні Вышэйшага Еўразійскага эканамічнага савета. Пра гэта БелТА паведамілі ў прэс-службе беларускага лідэра.
Мерапрыемства пройдзе ў Нур-Султане ў вузкім і пашыраным складах. З улікам юбілейнай даты — пяцігоддзя Дамовы аб Еўразійскім эканамічным саюзе - кіраўнікі дзяржаў абмяркуюць вынікі развіцця саюза і вызначаць далейшыя перспектывы сумеснай работы па паглыбленні еўразійскай інтэграцыі, якаснай рэалізацыі ўжо існуючых дамоўленасцей.