У Слонімскім раёне сутыкнуліся два легкавікі: пацярпелі сем чалавек, у тым ліку чацвёра дзяцей
Здарэнне адбылося каля 12:00 на трасе Слонім — Косава паблізу в. Дзеравянчыцы, паведамляе прэс-служба МУС.
Жыхар Ліды на «Опелі» абганяў грузавік, аднак не разлічыў хуткасць і адлегласць, у выніку чаго сутыкнуўся з «БМВ», якім кіравала 27-гадовая жанчына.
У выніку пацярпелі жанчына-кіроўца, яе двух- і трохгадовыя дзеці, а таксама 16-гадовая сястра. У «Опелі» траўмы атрымалі 32-гадовая жанчына, яе сямігадовы сын і 31-гадовы сын кіроўцы.