Што пісала НН 100 гадоў таму
У Думе і каля Думы.
Разбіраюць праект закона аб адмене кары смерцю. Ад левых выступае Булат (трудавік, літвін, Сувальскай губ.) Ён кажа, што статыстыка паказвае, што там, дзе кары смерцю няма, змяншаецца і лічба праступкаў, каторыя караюцца смерцю. Правыя кажуць: «Няхай рэвалюцыянеры перастануць забіваць людзей, тады і мы будзем стаяць за адмену кары смерцю». Але ... кара смерцю мусіць быць адмененая яшчэ і таму, што суд — рэч чалавечая і можа ён памыліцца. Не раз пасля расстрэлу суддзі дазнаваліся, што згубілі нявіннага чалавека.