Галоўную навагоднюю ялінку Брэста ўпрыгожыць футбольны мяч
Пра гэта паведаміў старшыня Брэсцкага гарвыканкама Аляксандр Рагачук, сустракаючыся з калектывам футбольнай каманды «Дынама-Брэст», піша sb.by.
Кіраўнік горада над Бугам адзначыў, што ў год тысячагоддзя Брэста хлопцы паднеслі цудоўны падарунак усім яго жыхарам, датэрмінова аформіўшы перамогу ў чэмпіянаце Беларусі па футболе.
Футбольны мяч як сімвал перамогі брэсцкага «Дынама» ў чэмпіянаце краіны стане галоўным упрыгажэннем навагодняй ялінкі.
Рагачук уручыў калектыву каманды юбілейныя медалі «1000 гадоў гораду Брэсту».