У Лідскім раёне перакуліўся аўтамабіль Дэпартамента аховы ФОТА
Здарэнне адбылося раніцай у нядзелю ў раёне Ганчароў, на аўтадарозе паміж аграгарадком і дачамі ў Доржах. Там з'ехаў у кювет і перакуліўся аўтамабіль «Ніва», паведамляе Лідская газета.
23-гадовы вадзіцель не справіўся з кіраваннем на слізкай дарозе.
Аўтамабіль Дэпартамента аховы вяртаўся ў Ліду з Бярозаўкі. У салоне знаходзіліся два чалавекі. На шчасце, ніхто не пацярпеў.